Вице-премьер Томайты Ирбег фехъусын кодта, «Уæллаг Ларс»-ы машинæтæ бирæ кæм æмбырд кæнынц, уыцы бынæтты равæрдтой 2 хъармгæнæн пункты
Сергей Меняйло разамынд кæмæн лæвæрдта, уыцы æмбырды æрдзырдтой респубуликæйы хицаудзинады оргæнтæ сæ хæслæвæрдтæ куыд æххæст кæнынц, ууыл. Регионы оперативон уавæрыл дзургæйæ вице-премьер Томайты Ирбег фехъусын кодта, «Уæллаг Ларс»-ы машинæтæ бирæ кæм æмбырд кæнынц, уыцы бынæтты равæрдтой 2 хъармгæнæн пункты. Шофыртæн ласынц дон æмæ продукттæ, территоритæн кæнынц санитарон мадзæлттæ. Аппаратон æмбырды ныхас цыди æндæр хъуыддæгтыл дæр. Цæгат Ирыстоны карантины æхгæд сты 31 рæвдауæндоны æмæ 14 скъолайы. Сергей Меняйло профилон ведомствæтæн бахæс кодта, уазæлтты рæстæг æппæт мадзæлттæй спайда кæнын, цæмæй æхснырсæг æмæ грипп фылдæр адæмыл ма парахат кæной. Ахуырады æмæ наукæйы министр Алыбекты Эллæ куыд фехъусын кодта, афтæмæй 35 милуаны регионæн дихгонд æрцыди ахуыргæнæндæтты фæллойы æмæ цардархайды æдасдзинады бындурты кълæстæ нырыккон æрмæгæй сифтонг кæнынæн.
