филиал вгтрк государственная телерадиовещательная компания “Алания”

00:17 суббота, 05 июля 2025
16 ноября 2023, 11:33
Сергей Меняйло схорзæхджын кодта Хъамбердиаты Мысосты номыл паддзахадон премийы лауреатты

Дыууынæм æнусы хъуыстгонд ирон поэты номыл кадджын преми райсыныл архайдтой 5 æрыгон авторы

Сергей Меняйло схорзæхджын кодта Хъамбердиаты Мысосты номыл паддзахадон премийы лауреатты. Дыууынæм æнусы хъуыстгонд ирон поэты номыл кадджын преми райсыныл архайдтой 5 æрыгон авторы. Фыссынц ирон æмæ уырыссаг æвзагыл. Къамисы уæнгтæ уыдысты зындгонд фысджытæ, ахуыргæндтæ, литературон журналты æмæ газетты редактортæ, паддзахадон структурæты минæвæрттæ. Уыдон аргъ кодтой текстытæн, авторты цæстæнгасæн, сæ литературон сфæлдыстадæн, патриотизмы æмæ миддунеæйы æнкъарæнтæн, стæй, кæй зæгъын æй хъæуы, æвзаг зонынадæн. Афтæмæй равзæрстой дыууæ уæлахиздзауы, номинацитæ «Прозæ» æмæ «Поэзи»-йы. Республикæйы Сæргълæууæджы указмæ гæсгæ, Хъамбердиаты Мысосты паддзахадон премийы аккаг сси Цæгат Ирыстоны паддзахадон университеты журналистикæйы кафедрæйы хистæр ахуыргæнæг Цæрикъаты Оксанæ. Поэзийы та хуыздæрыл нымад æрцыд Дзæуджыхъæуы 44-æм скъолайы ирон æвзаг æмæ литературæйы ахуыргæнæг Бететы Фатимæ. Лауреаттæн радтой дипломтæ æмæ æхцайы преми фæйнæ фæндзай мин сомы. Уæ зæрдыл уын æрлæууын кæндзыстæм, литературон преми 35 азы онг æрыгон автортæн лæвæрд цæуы 2013-æм азæй фæстæмæ.

vgtrk_alania
vgtrk_alania
vgtrk_alania
vgtrk_alania