Цæгат Ирыстоны сæргълæууæг ма уæлдай хатт фæнысан кодта, волонтерты куыстæн стыр ахадындзинад кæй ис, уый.
Сергей Меняйло схорзæхджын кодта волонтерты змæлды премийы лауреатты. Номинаци «Хуыздæр бархионты организаци»-йы дипломы аккаг сси Адæмон фронты фæсивæдон хайады регионалон координатор Акъоты Батрадз. Дзæуджыхъæуы 42-æм скъолайы фæсивæдон змæлды куратор Дмитрий Ларин хуыздæрыл нымад æрцыди номинаци «Бархионты змæлды архайæг»-ы. Волонтерты организацийы хуыздæр разамонæджы кадджын ном та радтой Мæздæджы районы минæвар Лариса Хохлачевайæн. Уæлахиздзаутæн преми радтой фæйнæ 50 мин сомы. Республикæйы бархионты змæлды хыгъды ис цалдæр мин адæмйаджы. Сæ авналæнтæ сты алывæрсыг. Сергей Меняйло куыд загъта, афтæмæй сæ размæ вæрд хæстæ æххæст кæнынц зæрдæйы фæндонмæ гæсгæ, сæхиуыл нæ ауæргдæйæ. Цæгат Ирыстоны сæргълæууæг ма уæлдай хатт фæнысан кодта, волонтерты куыстæн стыр ахадындзинад кæй ис, уый.
