Республикæйы сæргълæууæг куыд загъта, афтæмæй мобилизацийы æфсæддонтæн æмæ бархионтæн баххуыс кæныныл куыст цæуы дарддæр.
Сергей Меняйло вице-премьер Томайты Ирбегæн æмæ республикæйы æфсæддон комиссарæн бахæс кодта, мобилизацийы чи бахауд, уыдонæн фæрæзтæ дих кæныны фарстамæ карз цæст дарын. Республикæйы сæргълæууæг куыд загъта, афтæмæй мобилизацийы æфсæддонтæн æмæ бархионтæн баххуыс кæныныл куыст цæуы дарддæр. Хæстон цаутæ кæм цæуынц, уырдæм ацы бонты радон хатт æрвыст æрцыди машинæ пецтæ æмæ дизелæй чи кусы, ахæм генератортимæ. Аппаратон æмбырды ма ныхас цыди фæндаггон инфраструктурæйы рæзты фарстатыл дæр. Хицауады сæрдар Дзанайты Барис куыд фехъусын кодта, афтæмæй Цыколайы иувæрсты цæуæг фæндаджы арæзтадæн федералон бюджетæй дихгонд æрцæудзæн уæлæмхасæн 4 сæдæ милуан сомы. Дарддæр æххæстгонд цæуынц Дзæуджыхъæуы полигоны рекультивацийы куыстытæ дæр, цæмæй афоныл фæуой, уый тыххæй специалисттæ кусынц дыууæ радæй.
