Разамынд ын лæвæрдта Уæрæсейы президенты æххуысгæнæг Дмитрий Миронов
Республикæйы Сæргълæууæг Сергей Меняйло видеоконференцийы фæрцы архайдта хъазахъхъæгты фарстаты фæдыл УФ-йы президенты цур Советы æмбырды. Разамынд ын лæвæрдта Уæрæсейы президенты æххуысгæнæг Дмитрий Миронов. Боны фæткмæ рахастой уæрæсейаг хъазахъхъæгтæ сæрмагонд операцийы архайыны фарстатæ. Æмбырды размæ йæ архайджытæ æрымысыдысты, сæ цард Уæрæсейы сæраппонд чи радта, уыцы хæстонты, дины кусджыты æмæ волонтерты рухс ном. Æмбырды куыд фæнысан кодтой, афтæмæй президенты фæдзæхстытæ сæххæст кæныны тыххæй хъазахъхъæгтæ активонæй архайынц сæрмагонд операцийы, сабыр цæрæг адæмæн æххуыс кæнынц бархионты хуызы. Бæрнон адæмы хъуыдымæ гæсгæ, æнæмæнгæй хъæуы, хъазахъхъæгтæй чи фæмард, уыдоны бинонтæн баххуыс кæнын. Цæгат Кавказ рæстæгимæ сси Уæрæсейы хъазахъхъаг змæлды цæджындзтæй иу. Бæстæйы Президенты указтæ сæххæст кæныны тыххæй регионты хъазахъхъæгтæ æмæ атамантæ зæрдиагæй бацархайдтой. Зæгъын хъæуы уый, æмæ Теркаг хъазахъхъæгтæ фыццæгтимæ æрлæууыдысты паддзахады фарсмæ, æмæ се вæрæн абоны онг хæссынц адæмы сабыр цардмæ. Гуманитарон æххуыс бакæныны тыххæй сæ хъæппæрисæй арæзт æрцыди сæрмагонд системæ. Мартъийæ нырмæ хъазахъхъæгтæ арвыстой 10 гуманитарон конвойы бæрц. Луганск, Донецк æмæ Мариупольмæ, стæй Запорожьейы, стæй Херсоны облæсттæм æрвыст æрцыди 520 тонны продукттæ, медикаменттæ, æмæ æндæр хъæугæ хъуыддæгтæ. Сæрмагонд æфсæддон операцийы теркаг хъазхъхъæгты æфсæдтæй архайдтой 1150 адæймаджы, 600 та бархионтæ. Дмитрий Миронов атаман Виталий Кузнецовæн хъазахъхъæгты батальонæн радта 40 комплекты нырыккон формæйæн сертификат.
