Санкт-Петербурджы æппæтадæмон экономикон форумы программæ æххæст кæнгæйæ
Санкт-Петербурджы æппæтадæмон экономикон форумы программæ æххæст кæнгæйæ, Сергей Меняйлойæн кусæг фембæлд уыд компани «КАМАЗ»-ы генералон директоры хæдивæг Андрей Чурсинимæ. Ныхас цыд транспортон къабазы æмгуыстадыл. Бæлвырддæр та – нæ республикæйы æхсæнадон транспорты лæггæдты комплексон системæйы куыстыл. Уымæ гæсгæ æхсæнадон транспорт бæлццæттæн лæггад кæндзæн 2032-æм азмæ. Ныртæккæйы онг Цæгат Ирыстонæн самал кодтой 212 транспортон фæрæзы. Уыимæ ма хъæуы астæуккаг къласы 266 автобусы: уыдонæй 197 муниципалон балцытæн, 69 та – муниципалитетты хсæн. Андрей Чурсин куыд загъта, афтæмæй куыстуат цæттæ у нæ республикæйæн ахæм автобустæ бацæттæ кæнын. Аразынц сæ «КАМАЗ»-ы бындурыл.
