Уый радзырдта сæ куысты хатдзæгты тыххæй
Регионы разамонæг Сергей Меняйлойæн кусæг фембæлд уыд Цæгат Ирыстоны æххæстбарджын минæвар республикæйы муниципалон скондты Плиты Маринæимæ. Уый радзырдта сæ куысты хатдзæгты тыххæй. Фыццаградон хæстыл 2025-æм азы нымад уыдысты – бынæттон бюджетты æфтиæгты бæрц фылдæр кæнын, хæстæ та къаддæр кæнын. Районты цæуы активон куыст паддзахадон программæтæ æххæст кæныны фæдыл. Ныхас ма цыд федералон закъон «Об общих принципах организации местного самоуправления в единой системе публичной власти» æххæст кæныныл. Стыр æргом аздæхтой Цæгат Ирыстоны муниципалон кусджыты профессионалон рæзтмæ. Афтæ Уæрæсейы адæмон хæдзарады æмæ паддзахадон службæйы академийы регионалон минæварады нæ республикæйы æххæстгонд цæуы уæлæмхасæн ахуырадон программæ «Аланийы командæ: муниципалон æмвæзад». Ныртæккæ дзы ахуырад исынц 36 муниципалон кусæджы. Сергей Меняйлойы хъуыдымæ гæсгæ муниципалон кусджыты архайд у ахадгæ.
