Мадзал баст уыди, Дзæуджыхъæуы æмæ республикæйы районты бындурон арæзтады программæмæ цы объекттæ хауынц, уыдоны фарстатимæ
Сергей Меняйлойæн кусæг фембæлд уыди республикæйы Хицауады уæнгтимæ. Мадзал баст уыди, Дзæуджыхъæуы æмæ республикæйы районты бындурон арæзтады программæмæ цы объекттæ хауынц, уыдоны фарстатимæ. Сæргълæууæг зæрдыл æрлæууын кодта, республикæйы разамынды фыццаградон хæстæй иу у, социалон инфраструктурæйы къабазы райрæзт. Бæлвырддæр та объектты рацарæзт, стæй бындурон цалцæг. Уымæй уæлдай, Сергей Меняйло фидарæй загъта, ацы къабазы куыст æнæрлæугæйæ кæй цæуы, æмæ ныридæгæн бирæ хъуыддæгтæ арæзт кæй æрцыди, уый. Фæлæ дзы нырма ис, æвæстиатæй цæуыл хъæуы бакусын, уый. Æмбырды бæстонæй æрлæууыдысты ахуырады, æнæниздзинадхъахъхъæнынады, спорты æмæ цæрæнуæтты-коммуналон хæдзарады объекттыл. Арæзт æмæ цалцæггонд цæуынц национ проектты æмæ паддзахадон программæты фæлгæты. Республикæйы сæргълæууæг бадомдта, алы объекты дæр куыстытæ фæтагъддæр кæнын. Уымæй уæлдай, хицауады уæнгтæн бахæс кодта, хæстæгдæр рæстæг, алы арæзтады фæдыл дæр бæлвырд фæтк бацæттæ кæнын æмæ йæ бавдисын.
