Регионы разамонæгмæ курдиæттимæ æрбацыдысты сæрмагонд æфсæддон операцийы архайджытæ, стæй сæ бинонты уæнгтæ
Цæгат Ирыстоны Сæргълæууæг Сергей Меняйлойæн уыд республикæйы цæрджытимæ фембæлд. Регионы разамонæгмæ курдиæттимæ æрбацыдысты сæрмагонд æфсæддон операцийы архайджытæ, стæй сæ бинонты уæнгтæ. Ныхас цыд, Фыдыбæстæ хъахъхъæнджыты бинонтæ цы фарстатимæ æмбæлынц, уыдоныл. Сæ фылдæр баст сты ведомствоты хсæн ахастдзинæдтимæ. Зæгъæм, республикæйы разамонæгæй ракуырдтой, æбæрæгæй сæфтыл нымад чи у, уыцы æфсæддоны хъысмæт базонынæн баххуыс кæнын. Стыр æргом аздæхтой куысты бынæттæ ссарынмæ æмæ социалон фарстатæ лыг кæнынмæ. Сергей Меняйло се ппæтмæ дæр лæмбынæг байхъуыста, æмæ фарстатæ лыг кæныны тыххæй бæлвырд амынддзинæдтæ радта профилон министрадтæн æмæ ведомствотæн.
