Ацы бынаты фидаргонд æрцыди инæлар-майор Сергей Балакин
Сергей Меняйлойæн кусæг фембæлд уыди Уæрæсейы æдасдзинады федералон службæйы арæнхъахъхъæнæг службæйы разамонæджы хæдивæг Владимиром Стрельцовимæ. Фембæлды фæлгæты республикæйы разамонæджы базонгæ кодтой æдасдзинады федералон службæйы арæнхъахъхънæг службæйы ног хицауимæ. Ацы бынаты фидаргонд æрцыди инæлар-майор Сергей Балакин. Æмбырдмæ хуынд æрцыди службæйы раздæры сæргълæууæг Александр Байков дæр. Сергей Меняйло йын бузныг загъта, йе нæзæрдæхудт куысты тыххæй, æмæ йын радта зæрдылдарæн лæвар. Ног разамонæгæн та йæ зæрдæ загъта стыр æнтыстдзинæдтæ. Куыд загъта, афтæмæй кæдфæндыдæр цæттæ у æмгуыстадмæ, æмæ республикæйы, стæй Уæрæсейы хорздзинадæн алы мадзæлттæ агуырынмæ. Сергей Балакин амæй размæ уыди Сомихы æдасдзинады федералон службæйы арæнхъахъхъæнæг службæйы хицауы фыццаг хæдивæг.
