Yыхас цыди автовокзалты лæггæдты хæрзхъæдыл æмæ муниципалон æмæ уыдоны хсæн бæлццæттæ ласыны фæткыл
Республикæйы Сæргълæууæг Сергей Меняйлойы хæслæвæрдмæ гæсгæ, ацыд Цæгат Ирыстоны автовокзалты архайдимæ баст æмбырд. Разамынд ын лæвæрдта Дзанайты Барис. Æмбырды ныхас цыди автовокзалты лæггæдты хæрзхъæдыл æмæ муниципалон æмæ уыдоны хсæн бæлццæттæ ласыны фæткыл. Дзæуджыхъæуы 1-æм автовокзал лæггад кæны 29 муниципалон æмæ 26 регионалон маршрутæн. Автостанцæ «Мæздæг»-мæ хауы 1 муниципалон æмæ 13 регионалон маршруты. Æмбырды архайджытæ бæстонæй æрдзырдтой республикæйы автотранспортон системæйы рæзтыл. Мах регион активонæй рæзы. Фæлæ ис размæ вæрд хæстæ дæр. Хъæуы транспорты алы хуызты æнæкъуылымпы куыстыл бацархайын. Уымæй уæлдай, дарддæр цæуы транспортон системæйы модернизаци. Æркæсинаг фарстатæй иу – бæлццæттæ ласын. Кусын хъæуы ацы лæггæдты хæрзхъæддзинад æмæ æдасдзинадыл, загъта Дзанайты Барис. Транспорты комитеты размæ вæрд ис хæс хъæутæм транспорт куыд хæццæ кæны, уымæн аргъ скæнын, автовокзалты инфраструктурæйы рацарæзтæн пълан скæнын, стæй ацы къабазы ахадгæ куыстæн сæрмагонд мадзæлтты фæтк бацæттæ кæнын.
