Æдæппæтæй 1500 лæвары адджинæгтимæ
Ног азы бæрæгбоны агъоммæ Сергей Меняйлойы номæй æхсызгон лæвæрттæ райсдзысты Уæрæсейы ног регионты цæрæг сывæллæттæ. Æдæппæтæй 1500 лæвары адджинæгтимæ. Республикæйы Сæргълæууæгæй ма зæрдæмæдзæугæ лæвар – хъазæн комбайн райсдзæн 4-аздзыд Назар, Запорожьейы облæсты хъæу Чернигово-Токмачанскæй. Уыцы лæвар-сюрприз Сергей Меняйло сæххæст кæндзæн, акци «Бæллицты Заз бæлас»-ы фæлгæты. Уæвгæ ахæм хæрзаудæн куыст ныртæккæ тынг ахсджиаг у. Ацы территориты цæрджытæ сты не ххуысхъуаг. Уыдонæн дæр æмæ махæн дæр Ног азы бæрæгбон у ныфсы, хæлардзинады æмæ уарзондзинады бæрæгбон. Уæлдай йымыдисæй йæм æнхъæлмæ кæсынц сабитæ, æмæ æууæндынц диссæгтыл. Лæвæрттæ райсдзысты бæрæгбоны агъоммæ, – загъта фæллойы æмæ социалон рæзты министр Айдарты Алинæ.
