Хатдзæгтæ дзы скодтой Цæгат Ирыстоны ивгъуыд азы мониторингы бæрæггæнæнтæн
Сергей Меняйлойы разамындæй арæзт æрцыд наркотикты ныхмæ къамисы æмбырд. Хатдзæгтæ дзы скодтой Цæгат Ирыстоны ивгъуыд азы мониторингы бæрæггæнæнтæн. Æмтгæй райсгæйæ, 2021-æм азимæ абаргæйæ, республикæйы уавæр уæлдай нæ аивта. Наркологон службæйы хыгъды ныртæккæ ис 774 адæймаджы. 2008 адæймагæн та сæвæрдтой, наркотиктæй пайда кæнæджы диагноз. Цæгат Ирыстоны сæргълæууæг муниципалон скондты æмæ наркотикты ныхмæ муниципалон къамисты разамонджытæн бабар кодта мадзæлтты пъланыл бакусын, цæмæй нæ регионы наркологон уавæр зынгæ фæхуыздæр уа, уый тыххæй. Фæкарздæр æмæ ахадгæдæр кæнын хъæуы профилактикон куыст мигрантты хсæн. Уымæн æмæ уыдоны аххосæй рæзы, наркотикты зилдухимæ баст фыдракæндты нымæц.
