Æрныхас дзы кодтой Цæгат Ирыстоны паддзахадон национ политикæйы стратеги ивгъуыд азы царды куыд æххæстгонд æрцыди
Сергей Меняйлойы разамындæй арæзт æрцыди нациты æмæ дины хсæн ахастдзинæдты фарстаты фæдыл æмбырд. Æрныхас дзы кодтой Цæгат Ирыстоны паддзахадон национ политикæйы стратеги ивгъуыд азы царды куыд æххæстгонд æрцыди, уый, стæй ацы азæн бæлвырд хæстæ æмæ нысантыл. Фæстаг 3 азмæ республикæйы æххæстгонд æрцыди 10 къабазмæ гæсгæ 61 мадзалы. Се хсæн – нациты æмæ динты минæвæртты хсæн хæлар ахастдзинæдтæ, культурон бастдзинæдтæ, Уæрæсейы адæмы хæттыты этнокультурон рæзт бахъахъхъæнын, ахуырады системæйы рæзт, рæзгæ фæлтæримæ граждайнаг – патриотон хъомыладон куыст кæнын. Цæгат Ирыстоны абон кусы, национ æууæлтыл чи архайы, ахæм 33 æхсæнадон организацийы. Фембæлды кæронбæттæн æмбырды архайджытæ се ргом аздæхтой 2025-æм азмæ национ политикæйы стратеги царды уадзыны мадзæлттыл.
