Республикæйы Сæргълæууæг куыд фæбæрæг кодта, афтæмæй «Фыццæгты змæлд» рæзгæ фæлтæры удварны æмæ патриотон хъомылады райрæзтыл кусынæн у уникалон фæз
Республикæйы Сæргълæууæг Сергей Меняйлойы разамындæй ацыд сывæллæтты æмæ фæсивæды æппæтуæрæсеон змæлд «Движение Первых»-имæ æмгуыстады фарстаты фæдыл регионалон координацион советы æмбырд. Сергей Меняйло куыд фæбæрæг кодта, афтæмæй «Фыццæгты змæлд» рæзгæ фæлтæры удварны æмæ патриотон хъомылады райрæзтыл кусынæн у уникалон фæз. Йæ алыварс æрбангом кодта иннæ фæсивæдон организацитæ дæр, æмæ афтæмæй æххæст кæнынц иумæйаг хæстæ æмæ нысантæ. Республикæйы разамонæг бахаста, уæлæмхасæн ахуырады хуызы скъолатæ æвзонгæфсæддонты кадетон кълæстæ байгом кæныны фæндон. 2026-æм азы цы проекттыл хъуамæ бакусой, уыдоны тыххæй бæстонæй радзырдта «Фыццæгты Змæлд»-ы регионалон хайады советы сæрдар Хъесаты Ирыстон. Активисттæ цæттæ кæнынц æфсæддон-патриотон хъазт «Зарница»-йы финалмæ, стæй сабидуджы æмæ æвзонгдзинады фестивальмæ. Уымæй уæлдай, æппæт муниципалитетты арæзт æрцæудзысты «Нартон хъæзтытæ», архайдзысты дзы национ-культурон æхсæнадты уæнгтæ дæр.
