Республикæйы экономикон рæзты министр Кучиты Зауыр куыд загъта, афтæмæй ацы аз Цæгат Ирыстоны æххæстгонд æрцæудзæн 23 паддзахадон программæйы, æдæппæтæй 35 миллиард сомæн
РЦИ-А сæргълæууæг Сергей Меняйлойы разамындæй цы æмбырд ацыд, уым æрныхас кодтой 2023-æм азæн цы паддзахадон программæты æмæ национ проектты мадзæлттæ снысан кодтой, уыдон куыд æххæстггонд цæуынц, ууыл. Республикæйы экономикон рæзты министр Кучиты Зауыр куыд загъта, афтæмæй ацы аз Цæгат Ирыстоны æххæстгонд æрцæудзæн 23 паддзахадон программæйы, æдæппæтæй 35 миллиард сомæн. Уыцы фæрæзты хардзæй сараздзысты æмæ сног кæндзысты социалон инфраструктурæйы 200 объекты. Абоны онг куыстыты мбис ныридæгæн конд æрцыд. Министры ныхæстæм гæсгæ, размæ вæрд хæстæ æххæстгонд æрцæудзысты афоныл. Национ проекттыл Цæгат Ирыстоны куыд кусынц, уый тыххæй бæлвырдæй радзырдта Даураты Лали. Цы бæрæггæнæнтæ фехъусын кодта, уыдонмæ гæсгæ, национ проекттæн дихгонд æрцыди 9 миллиарды æмæ 3 сæдæ милуан сомы. Фæрæзты 70% радтой 150 æхсæнадон территорийы аивдзинадæн, уыдонæй 21 объекты куыстытæ кæронмæ фесты, 25 объектæн æмбæлгæ уагыл у сæ техникон цæттæдзинад дæр. Сергей Меняйло байхъуыста æххæстгæнæг хицаудзинады оргæнты минæвæртты докладтæм. Бæстонæй радзырдтой ахуырады, культурæйы, спорты æмæ æндæр социалон объектты арæзтадон фæзты уавæры тыххæй. Цæгат Цæгат Ирыстоны Сæргълæууæг фæсидт æмбырды се ппæт архайджытæм дæр, цæмæй куыстыты хæрзхъæддзинадмæ сæ цæст дарой. Уымæн æмæ абон национ проекттæй æмæ паддзахадон программæтæй бирæ аразгæ у республикæйы социалон-экономикон рæзты æмвæзад.
