филиал вгтрк государственная телерадиовещательная компания “Алания”

Фыццаг æртæ боны уал йæ архайджытæн радтой рæстæг, цæмæй сæ размæ сæвæрой бæлвырд нысантæ. Нывгæнджытæ уал банкъардтой бынæттон цардыуаг. Ныр та сæ хъуыдытæ æмæ гæнæнтæ райдыдтой царды уадзын. Иуæй-иу нывгæнджытæ дзы ахæм арæхстджын сты, æмæ сæ куысты сæйрагдæр хай скодтой фыццаг бон. Карен Саргсян Нидерландæй бацæттæ кодта «гæххæттæй» проект, дагестайнаг нывгæнæг Тимур Мусаев-Каганмæ та ис цымыдисаг «дæсныфæрсæг фæйнæджытæ». Проекты координатор Сабина Шихлинская куыд зæгъы, афтæмæй ацы аз иннæ хæттытæй хъауджыдæр симпозиумы ис бирæ интерактивон проекттæ. Ацы жанрмæ адæм се ргом тынг здахынц. Куыстыты цæттæйæ фенæн уыдзæн 15-æм августы, симпозиумы кæронбæттæн къæпхæны.