Фембæлды презентаци скодтой 10 чиныгæн, иууылдæр баст сты Цæгат Ирыстоны сæйраг горæтимæ
Дзæуджыхъæу – бæллицты горæт. Ахæм сæргондимæ сфæлдыстадон изæр ацыди Дзæуджыхъæуы историйы музейы. Фембæлды презентаци скодтой 10 чиныгæн, иууылдæр баст сты Цæгат Ирыстоны сæйраг горæтимæ. Æхсæнадон змæлд «За наш Владикавказ»-ы сæрдар Таутиаты Хъазыбег сын радзырдта, чингуыты æрмæг куыд æмбырдгонд цыдис, уый. Чиныг «Владикавказ. История в камне»-йыл бакуыстой Александр Кадыков æмæ Цæллагкаты Сослан. Плиты Маргаритæ сарæзта альманах «Владикавказ. Глазами художников». Чиныг «Знаменитые люди на берегах Терека»-мæ хаст æрцыдысты Хъуысаты Генрий, Тедтойты Зинаидæ æмæ Людмила Хмелевайы куыстытæ. Феликс Киреев æмæ Таутиаты Хъазыбег иумæйагæй адæмы размæ рахастой 5 чиныджы. Авторты хъуыдымæ гæсгæ, ацы чингуытæ иууылдæр сты нæ уарзон горæты тыххæй æрмæгæй хъæздыг.
