филиал вгтрк государственная телерадиовещательная компания “Алания”

ДОСААФ-мæ экскурсийы. Сидзæр сывæллæтты хæдзар «Виктория»-йы хъомылгæнинæгтæ уыдысты бæстæйы стырдæр æхсæнадтæй иуы. ДОСААФ-ы сын радзырдтой сæ куысты тыххæй, сывæллæттæн фадат уыди машинæтыл сбадынæн, техникæмæ бавналынæн. Равдыстой сын бархион æхсæнады тыххæй чысыл киноныв, равдыстой сын ахуырадон кълæстæ. Сæхи шофыртæй бафæлвæрдтой æппæтæй гыццылдæр лæппутæ дæр. ДОСААФ-ы куыд загътой, афтæмæй ахæм фембæлдтытæ кæндзысты алы мæй дæр. Иннæ экскурси та уыдзæн «Хуры тын»-ы хъомылгæнинæгтæн. Автоскъолайы разамонæг Хъантемыраты Мураты хъуыдымæ гæсгæ, лæппутæ ахæм экскурситы фæрцы цæттæ вæййынц æфсадмæ, æмæ æнцонæй базонынц машинæ скъæрын.