Эксперттæ бабæрæг кодтой Мæздæджы район, цæмæй аргъ скæной, сидзæр сывæллæттæн цы хæдзæрттæ дæттынц, уыдоны хæрзхъæддзинадæн
Сидзæр сывæллæттæн квадратон метртæм йæ цæст дары æппæтуæрæсеон адæмон фронт. Эксперттæ бабæрæг кодтой Мæздæджы район, цæмæй аргъ скæной, сидзæр сывæллæттæн цы хæдзæрттæ дæттынц, уыдоны хæрзхъæддзинадæн. Ахæм статус кæмæн ис, уыдонæй 20 адæймаджы мæйы размæ райстой иууатон фатерты дæгъæлтæ. Æппæтуæрæсеон адæмон фронты эксперттæ æркастысты хæдзæртты алыварс саив кæныны фадæттæм æмæ уавæртæм. Ам ног цæрджытæ фехъусын кодтой, æппæты фылдæр сæ цы фарста тыхсын кæны, уый – машинæты адæм кæм не мбæлы, ахæм бынæтты кæй æвæрынц, уый. Социалон хъахъхъæнынады управленийы специалисттæ зæрдæ вæрдтой, ацы фарста районы разамынды размæ æрæвæрынæй. Фатерты уавæрыл дзургæйæ та, экспертты хъуыдымæ гæсгæ сты хæрзхъæд, аив, дзаг сты хæдзары дзаумæттæй дæр. Уый, кæй зæгъын æй хъæуы, меценатты æххуысæй. Программæйы цы аразджытæ архайдтой, уыдон ахæм хуызы лæвар скодтой сидзæр сывæллæттæн. Специалисттæ аргъ скодтой коммуникацитæн дæр. Рухс æмæ газ нысан кæнынц къуырийы æмгъуыдмæ бауадзын. Уый фæстæ фатерты сæ бон уыдзæни æрцæрын.
