филиал вгтрк государственная телерадиовещательная компания “Алания”

Сидзæр сывæллæтты хæдзар «Хуры тын»-ы хъомылгæнинæгтæн сæрд райдыдта ирд æнкъарæнтимæ. Чызджытæн æмæ лæппутæн хæхты бацæттæ кодтой бæхтыл тезгъо. 7 азæй 14 азы онг кæуыл цæуы, уыцы рæзгæ фæлтæр фыццаг хатт сæхи бафæлвæрдтой барджыты хуызы. Фæсивæд сахаты бæрц сæхи ирхæфстой сыгъдæг уæлдæфы, алæмæты æрдзы рæсугъддзинадмæ кæсгæйæ. Ахуыргæндтæ куыд зæгъынц, афтæмæй бæхыл тезгъо кæнын адæймаджы æнæниздзинадыл ахады хорзырдæм. Хæрзаудæн акци арæзт æрцыди сывæллæтты хъахъхъæныны æппæтдунеон боны кадæн. Рæзгæ фæлтæры рæстæгæй -рæстæгмæ аласынц «Дендраримæ», реабилитацион центр «Тæмискъмæ», æмæ суанг Сау денджызы былмæ. Ацы сæрд дæр сывæллæттæм æнхъæлмæ кæсы цымыдисаг программæ.