Цымыдисаг проект царды уадздзысты социалон-культурон уагдон «Благодать»-ы специалисттæ
Скифты æмæ сæрмæтты рæстæгæй нымæтæй конд предметты коллекци сног кæндзысты ирыстойнаг мастертæ. Проекты бындуры сты – Эрмитажы фондтæй ист артефакттæ. Цымыдисаг проект царды уадздзысты социалон-культурон уагдон «Благодать»-ы специалисттæ. Уыдон фæнд кæнынц цалдæр экспонаты рацаразын. Зæгъæм, сног кæнынмæ хъавынц скифаг гауызы хай стæй саргъы базæмбæрзæн. Конд сты нæ эрæйы размæ 5-4-æм æнусты. Хицæн бынат коллекцийы ахсдзæн уникалон скифаг гауыз. Ис ыл нымæтæй конд алы зæдты æмæ барæджы хуызтæ. Ацы гауыз хонынц æппæтæй рагондæр. Йæ фæз у 30 квадратон метры бæрц. Зæгъын ма хъæуы уый, æмæ проект у егъау. Царды æххæстгонд цæудзæн Президентон гранты фæрæзтæй. Автортæн фыццаг проект нæу, фæлæ æппæтæй егъаудæр. Бацæттæ йæ кæндзысты равдыст-форум «Уникалон Уæрæсе- 2026» Мæскуыйы. Коллекци фендзысты Цæгат Ирыстоны дæр.
