Донецкы æмæ Луганскы републикæтæй адæмæн Цæгат Ирыстоны бацæттæ кæндзысты 14 пункты.
Урс бæлон, куыд дунейы сабырдзинады символ ныртæккæ не ппæты дæр тынг хъæуы. Нæ республикæйы скъолаты ахуырдзаутæ сæ сныв кæнынц, æмæ афтæмæй æнхъæлмæ кæсынц Донбассæй æрбалидзæг адæммæ. Уыдон хъуамæ рæстæгмæ пунктты æрбынат кæной 10-æм мартъийы. Донецкы æмæ Луганскы републикæтæй адæмæн Цæгат Ирыстоны бацæттæ кæндзысты 14 пункты. Бæлвырддæр хабæрттæ радзурдзæн Гуытъиаты Алинæ.
Архонкӕйы дыккӕгӕм скъолайы ахуырдзаутӕ гуманитарон ӕххуыс цӕттӕ кӕнынц Донецк ӕмӕ Луганскы адӕмон республикӕтӕй чи ралыгъд, уыцы адӕмӕн. Райсомӕйнырмӕ ӕрӕмбырд кодтой дӕс къоппы. Анастасия Левченко ис ӕвзонг ӕфсӕддонты рӕнхъы. Ӕмбырд кодта фыссӕнгӕрзтӕ.
Лыгъд адӕмӕн баххуыс кӕныны тыххӕй скъолайы администраци бауынаффӕ кодта ныййарджытимӕ. Иу бонмӕ балхӕдтой фыссӕнгӕрзтӕ ӕмӕ хойрӕгтӕ.
Скъоладзаутӕ ӕмбарынц, сӕ хӕдзӕрттӕй чи фӕхауд, уыцы сабиты уавӕр. Уый тыххӕй сын ӕххуыс кӕнынц сӕ бон цас у, уыйбӕрц. Ӕмбырд кӕнынц чингуытӕ, сфӕлдыстадӕн кусӕнгӕрзтӕ, ӕмӕ сӕ тавынц сӕ зӕрдӕты хъармӕй. Марианна Блохина куыд зӕгъы афтӕмӕй зындзинӕдтӕ адӕмы кӕныны ӕнгомдӕр. Сывӕллӕттӕ та хъуамӕ хъомыл кӕной цъӕх арвы бын.
Сывӕллӕттӕ сӕ нывты ӕвдисыны цъӕх арв, ирд хур ӕмӕ сабырдзинады сӕйраг символ – урс бӕллон. Сӕ рухс бӕллиц ӕрвитынц Донбасы сывӕллӕттӕм. Хъуамӕ сабитӕ ма зоной хӕст цы у, уый.
Нырма та уал сывӕллӕтӕн ӕххуыс кӕндзысты Ирыстоны зӕххыл. Ам зонынц, сабийы мидбылхудт куыд зынаргъ у, уый. Ӕххуыс хъуаг чи у, уыдонимӕ иузӕрдион сты бынтон чысыл сабитӕ дӕр.
