100 æрыгон адæймагæй фылдæр – техникумты студенттæ, скъолаты хистæркъласонтæ архайдтой тематикон секциты, экспертон дискусситы
Скъолаты директорты æхсæнад «Навигаторы детства»-йы хъæппæрисæй Мæздæджы арæзт æрцыд фыццаг фæсивæдон форум «Энергия Моздока». 100 æрыгон адæймагæй фылдæр – техникумты студенттæ, скъолаты хистæркъласонтæ архайдтой тематикон секциты, экспертон дискусситы. Уымæй дарддæр сын сарæзтой алыхуызон мадзæлттæ, психологон зонындзинæдтæй, волонтерты змæлдæй æмæ гранттæ исыны архайдæй. Форумы ма архайдтой, профилактон хыгъды чи лæууы, ахæм сывæллæттæ. Фæсивæды ахуырад æмæ кæрæдзийы фæлтæрддзинадимæ зонгæ кæнын – ацы къабæзтыл куыстой ахуырадон форумы секциты. Æрбацыдысты йæм уазджытæ Дзæуджыхъæуæй дæр. Экспертон дискусситы ма архайдтой волонтерты змæлды спикер Баллаты Хетæг, Фыццæгты змæлды грантты æххуысы специалист Бораты Аслан, стæй æхсæнад «Навигаторы детства»-йы куратор Цæгат Ирыстоны Рубайты Лианæ.
