филиал вгтрк государственная телерадиовещательная компания “Алания”

Бæрæгбоны фæдыл сын раарфæ кодтой республикæйы парламенты спикер Алексей Мачнев, Цæгат Ирыстоны хицауады сæрдар Такъоты Сергей æмæ ветеранты советы сæрдар Къаболаты Солтан. Такъоты Сергей «Ирыстоны намысы майдантæй» схорзæхджын кодта управленийы разамонæджы хистæр æххысгæнæг Гусаты Эдуарды æмæ управленийы æдасдзинады хайады разамонæг Олисаты Валерийы. Уæрæсейы слестгæнæн комитеты цæгатирыстойнаг слестгæнæн управленийы разамонæджы хæдивæг Маматы Хъазыбегæн та балæвар кодтой вæтеранты æппæтадæмон ассоциацийы орден «За боевую солидарность». Уыимæ ма управленийы кусджытæн балæвар кодтой республикæйы сæргълæууæджы æмæ хицауады, стæй парламенты кады гæххæттытæ.

Цæллагты Ингæ, Уæрæсейы слестгæнæн комитеты цæгатирыстойнаг слестгæнæн управленийы процессуалон цæстдарды хайады инспектор: «У нын æхсызгон се ппæтæн дæр, абон нæ бæрæгбонæн нын кад скодтой, æмæ нын хæрзиуджытæ балæвар кодтой. Ацы хæрзиуджытæй нын нæ куыстæн аргъ скодтой, æмæ дарддæр архайдзыстæм, цæмæй уæлдæрæй уæлдæр цæуæм нæ куысты æмæ цæмæй нæ республикæйæн дæр, адæмæн дæр, Уæрæсейæн дæр хуыздæр цард кæнæм, куыд нæ бон у, афтæ».