Куыд фарон, афтæ ацы аз дæр фстивалы равдыстыты залы ныхас цыди нæ регионы дзыллон информацмон фæрæзыл
Сочийы дарддæр цæуы нырыккон журналистикæйы форум. Куыд фарон, афтæ ацы аз дæр фстивалы равдыстыты залы ныхас цыди нæ регионы дзыллон информацмон фæрæзыл. Нæ делегацийы презентаци сæмбырд кодта стыр аудитори. Форумы архайджыты базонгæ кодта ирон адæмы культурæ æмæ æгъдæуттимæ дæр. Нæ республикæйы фæз разынди æппæтæй цымыдисагдæр. Цæгат Ирыстоны делегацийы хыгъды сты дзыллон информацийы фæрæзты специалисттæ, уыдонимæ ма 8 паддзахадон структурæты, 2 та æхсæнадон организациты минæвæрттæ. Форумы æртæ бонмæ бабæрæг кодтой сæ федералон æмкусджыты дæсныйадæвдисæг ахуыртæ. Райрæзты къахыл цы регионтæ лæууынц, уыдоæнæн у стыр фæлтæрддзинад.
Цæгатирыстойнаг делегацийы уазæгуарзондзинадыл форум «Æппæт Уæрæсе» ахуыр у. Куыд фарон, афтæ ацы аз дæр фестивалы равдыстыты центры дзырдтой нæ республикæйы дзыллон информацион фæрæзты тыххæй. Журналистикæ нымæцты хуызы Сау денджызы былæй. Амонджытæ ам дзурынц æрмæстдæр тæккæ ахсджиагдæр информацийыл дзыллон медиайы къабазы.
Мыхуыры фæрæзтæй телеуынадмæ. Æхсæнадон организациты æмæ журналистты æмгуыстады тыххæй роликты дæнцæгæн равдыстой адæмон фронты регионалон хайад. Аргъ скодтой интернет-порталтæн дæр. Сæ раззагдæрыл нымад цæуы информацион сайт 15-æм регион. Форумы архайджыты зæрдæмæ тынг фæцыд, сайты хабæрттæ æрмæст бакæсын нæ, фæмæ ма сæм байхъусæн дæр кæй ис, уый. Æмткæй райсгæйæ та нæ делегацийы презентаци æрæмбырд кодта егъау аудитори. Архайджытæ сæ телефонты камерæтæм цымыдисæй фыстой цæгатирыстойнаг журналистты фæлтæрддзинад.
Дзырдтой нæ национ каналы куысты бæрæггæнæнты тыххæй дæр. Дыууæ азмæ сæ къухы бирæ бафтыд. Фæзындис сын бирæ иузæрдион хæлæрттæ, уæдæ компани цы къабæзтæ æвдисы, уыдоны нымæц дæр бонæй бонмæ рæзы. Аналогон телеуынадæй нымæцонмæ куыд рахызт, уый равдыста паддзахадон телерадиокомпани Алани дæр. Цæгат Ирыстон Уæрæсейы иннæ регионтимæ ацыдис нырыккон телеуынадмæ фæндагыл. Хъуыдыйаг у уый дæр æмæ нæ республикæ ссис фыццаг регион, нымæцон телеуынад чи сфæлтæрдта. Нæ презентацийы хъомысæн аргъ скодтой мадзал саразджытæ дæр.
Регистрацигонд кæмæн ис, ахæм нæуæдз æхсæз дзыллон-информацион фæрæзы, æхсай мыхуыры рауагъдады, иуæндæс телеканалы, фынддæс радиостанцæйы æмæ иу информацион агентад. Республикæйы информацион медиатыгъдады цæмæй æнтыстджынæй кусай, уый тыххæй хъæуы журналисты æмæ пресс-секретарты æмгуыстад. Бафиппаинаг у уый дæр, æмæ ацы аз пресс-службæты минæвæрттæ фыццаг хатт архайынц форумы. Нæ делегацийы уыдис аст паддзахадон структурæйы æмæ дыууæ æхсæнадон организацийы пресс-службæты минæвæрттæ. Æртæ боны дæргъы федтой федералон пресс-секретарьты дæсныйадæвдисæг ахуыртæ. Уый та нæ регионæн у тынг хорз фæлтæрддзинад.
Ацы аз йæ презентацийы нæ делегаци æрмæст Цæгатирыстойнаг дзыллон-информацион фæрæзты тыххæй нæ радзырдта, фæлæ ма форумы уазджыты базонгæ кодта ирон культурæ æмæ традицитимæ. Уыцы хъуыддаджы сын куыд иннæ азты, афтæ ацы хатт дæр баххуыс кодта Сочийы ирон диаспорæ, йæ сæргъы Мæргъиты Анатолий, афтæмæй.
Иу сахатмæ нæ республикæйы делегацийæн бирæ бафтыд. Дыккаг аз нæ журналисттæ форуммæ араст вæййынц Битарты Вячеславы хъæппæрис æмæ æххуысæй. Нæ делегацимæ æнхъæлмæ кæсы бирæ цымыдисаг цаутæ. Æппæты тынгдæр æнхъæлмæ кæсынц журналистты куыстытæн хатдзæг скæнынмæ. Гæнæн ис, æмæ цæгатирыстойнаг журналистты куыстытæн дæр аргъ скæной форумы хæрзиуджытæй.
