филиал вгтрк государственная телерадиовещательная компания “Алания”

Социалон фæдзæхстады фонды цæгатирыстойнаг хайады хатдзæгтæ скодтой ивгъуыд 6 мæйы куыстæн. Управленийы разамонæг Айларты Зæлинæ куыд загъта, афтæмæй сæ размæвæрд хæстæ иууылдæр сæххæст кодтой. 

Фонды сæйраг хæстæй иу у – паддзахадон фиддонтæ сæ хицæуттæм афойнадыл æмæ æнæкъуылымпыйæ хæццæ кæнын. Фиддонты бæрц та аразгæ у, куыстдæтджытæ фондмæ цы хца фидынц, уыдонæй. Уымæ гæсгæ ахсджиаг хъуыддаг у организацитæй æмæ куыстуæттæй административон фæдзæхстадон фидтонтæ афоныл æмбырд кæнын. 

Уымæй уæлдай фонды кусджытæ хъæугæ техникон реабилитацион фæрæзтæй ифтонг кæнынц инвалидты æмæ рынчынты. 

Фæдзæхстадон фиддонтæ фидынц, рынчыны гæххæттытæ кæмæ ис, йæ кусæн бынаты йе нæниздзинад хъыгдард кæмæн баййæфта, уыдонæн, стæй сывæллонмæ зилыны тыххæй отпусчы чи ис, уыцы мадæлтæн.

Санаторитæм æмæ курорттæм та путевкæтæ радтой 100 000 адæймагæн. 

Айларты Зæлинæ, УФ-йы социалон фæдзæхстады фонды цæгатирыстойнаг управленийы разамонæг: «Чидæриддæр Ирыстоны кусджытæ ис, уыдонæн сæ фиддонтæ бафыстам. Рынчын чи у, сывæллонмæ кæнæ рынчынмæ чи кæсы, техникон æххусгæнæн фæрæзтæ кæй хъæуы – се ппæтмæ дæр нæ цæст дарæм. Уый тыххæй махмæ фарстатæ нæй. Йер мах размæ сæвæрдтой ног хæстæ. Исты куыстуат кæнæ организации йæ куыстæй куы ныллæууа, адæм æгуыстæй куы баззайой, уæд хъуамæ цæуой махмæ. Æмæ сын мах сæ фиддонтæ, ома, цы хца хъуамæ исой, уыдон æрвитдзыстæм сæхи банчы хыгъдмæ».