Ахæм уыд йæ сидт нæ республикæйы сæргълæууæг Битарты Вячеславæн амалхъом адæммæ
Социалон нысаниуæг цы объекттæн ис, уыдонæн æххуыс кæнын. Ахæм уыд йæ сидт нæ республикæйы сæргълæууæг Битарты Вячеславæн амалхъом адæммæ. Уыдон æй фехъуыстой, æмæ се ххуысы хай хæссынц. Фæлæ ма ис, ацы куыст барвæндонæй чи кæны, ахæм хæрзгæнджытæ дæр. Сæ иу Дзотцойты Барис. Дыгуры районæй Моргуаты Ладæйы сюжет.
Ацы халсартæ сын фаг сты 2 мæйæн. Дигорайы сывæллæтты 4-æм рæвдауæндоны сæрдар Акъоты Аллæ зæгъы, кæй сын баххуыс кодта бынæттон амалхъом адæймаг. Дзотцойты Барис хорз зоны, цæмæй сæм хъæуы фæкæсын, уый. Хъæууонхæдзарадон кооперативы сæрдар не нхъæлмæ каст республикæйы сæргълæууæджы фæндонмæ. Барвæндонæй бирæ азты æххуыс кæны рæвдауæндонæн.
Æххуыс райста Дигорайы 2-æм скъола дæр. Ам амалхъом адæймаджы æххуысæй сцалцæг кодтой хæрæндон æмæ къæридор. Хæрзгæнджытæ бацархайдтой, цæмæй ахуыргæнæндоны фæлгонц хæлд ма æрцæуа, ууыл.
Скъолайы раздæры ахуырдзау, ныр та амалъхъом адæймаг цалцæггæнæн куыстытæн радих кодта хи фæрæзтæ. Баивтой хъармгæнтæ, балхæдтой ног стъолтæ æмæ бандæттæ.
Къора-Урсдоны рæвдауæндонæн та сæ хъæуккаг баивта рæвдауæндоны сæр.
Иннæ аз нысан кæнынц иннæ хай дæр баивын. Рæвдауæндоны сæргълæууæг та зæгъы, чи сын æххуыс кæны, уыцы адæмы нæмттæ хъуамæ дзыллæ зона.
Социалон кусæнуæттæн æххуыс хорз фадат у амалхъом адæм æмæ ахуыргæнæндæтты хсæн хæлар ахастдзинæдтæн. Уый та у æппæт хæзнатæй зынаргъдæр.
