Социалон объектты ‘хсæн æдасдзинады домæнтæ æххæст кæныны конкурс арæзт цæуы ныр æртыккаг хатт. Ацы аз цыди февралæй сентябры онг. Конкурсы архайыны домæнтæ сты
Социалон объектты ‘хсæн æдасдзинады домæнтæ æххæст кæныны конкурс арæзт цæуы ныр æртыккаг хатт. Ацы аз цыди февралæй сентябры онг. Конкурсы архайыны домæнтæ сты хуымæтæг, фæлæ сæ уæддæр се ‘ппæт не ‘ххæст кæнынц. Хуыздæртыл нымад æрцыдысты Дзæуджыхъæуы лицей æмæ Медицинон колледжы æмдзæрæн. Конкурсы хатдзæгтæм гæсгæ канд уæлахиздзаутæ не сбæрæг сты, фæлæ ма рабæрæг кодтой бакусинаг объекттæ дæр.
Дзæуджыхъæуы æхсæзæм поликлиникæ раздæр зынгсирвæзтыты ныхмæ домæнтæй æххæст нæ уыд. Æппынæдзух дзы-иу инсперктортæ ссардтой аипдзинæдæтæ. Фæлæ ныр уавæр аивта. Æмæ медицинон куыстуат, æдасдзинады домæнтæ æххæст кæнгæйæ, рацыд фыццаг бынатмæ. Поликлиникæйы бындурон цалцæджы рæстæг аивтой телтæ, сæврдтой дзы сигнализаци æмæ зынгхуыссынгæнæнтæ. Социалон объектты ‘хсæн æдасдзинады домæнтæ æххæст кæныны конкурс арæзт цæуы ныр æртыккаг хатт. Ацы аз цыди февралæй сентябры онг. Конкурсы архайыны домæнтæ сты хуымæтæг, фæлæ сæ уæддæр се ‘ппæт не ‘ххæст кæнынц, зæгъынц инспектортæ. Дзæуджыхъæуы лицей ахуырады объектты ‘хсæн нымад у дæнцæгæн хæссинагыл. Скъолайы арæзт æрцыд зынгхуыссынгæнæн барвæндон къорд æмæ æвзонг зынгхуыссынгæнджыты дружинæ.
Бирæгъты Ланæ, Дзæуджыхъæуы лицейы директор: «Уыцы хъуыддаг тынг ахсджиаг у. Мах архайæм ууыл, цæмæй сывæллæттæ æдасдзинады домæнтæ æххæст кæныныл ахуыр кæной».
Медицинон колледжы æмдзæрæн дæр конкурсы нымад æрцыд хуыздæртæй иуыл. Цалцæджы фæстæ сси райдзаст æмæ сыгъдæг бæстыхай. Инспектортæ куыд зæгъынц, афтæмæй бæстон кæсынц скъолатæм, медицинон объекттæм, рæвдауæндæттæм. Абоны онг се ‘ппæты дæр сæвæрдтой зынгсирвæзтыты ныхмæ сигнализаци.
Цыдаты Хъазыбег, медицион колледжы æмдзæрæны директоры хæдивæг: «Иу бон дæр ахæм нæ вæййы, æмæ директоримæ ма фембæлæм, ма аныхас кæнæм, æмæ аипдзинæдтæ ма сбæрæг кæнæм. Сывæллæтты æдасдзинад ахсджиаг хъуыддаг у, æмæ йыл архайæм алы бон дæр».
Конкурсы хатдзæгтæм гæсгæ канд уæлахиздзаутæ не сбæрæг сты, фæлæ ма рабæрæг кодтой бакусинаг объекттæ дæр. Уымæ гæсгæ инспектортæ сæ куыст кæндзысты дарддæр.
