Ахæм хъæппæрис разынд хъæбатыр æфсæддоны раздæры сыхæгтæ
Советон Цæдисы Хъæбатыр Иван Бочаровы мемориалон фæйнæг фæзынди Дзæуджыхъæуы хæдзæрттæй иуы къулы. Ахæм хъæппæрис разынд хъæбатыр æфсæддоны раздæры сыхæгтæй. Фыдыбæстæйы Стыр хæсты фæстæ ветеран царди ацы хæдзары. Иван Бочаров райгуырди Грознайы, æфсадмæ ацыди 1938-æм азы. Хæсты фыццаг аз та йæм фæсидтысты фронтмæ. 1945-æм азы апрелы разамынд лæвæрдта 222-æм хицæн инженерон-саперон батальонæн. Тохы Иван Кириллович тох кодта немыцаг цæуæгдон Одеры. Ныхмæлæууæджы арты бын, кæстæр сержанты разамындæй салдæттæ ахызтысты доны сæрты. Бочаровы архайды фæрцы бантыст цæугæдоны ныгуылæн фарс бахъахъхъæнын. Уый тыххæй сси Советон Цæдисы Хъæбатыры номы аккаг. Иван Бочаров амард 1991-æм азы. Ныгæд æрцыд Дзæуджыхъæуы Намысы Аллеяйы.
