Хъæбатыры ном цы скъола хæссы, уым сарæзтой кадджын мадзал
Советон цæдисы хъæбатыр Калоты Георгийы райгуырды 105 азы бон сбæрæг кодтой Мæздæджы районы Веселыйы хъæуы цæрджытæ. Хъæбатыры ном цы скъола хæссы, уым сарæзтой кадджын мадзал. Меценат Дзебойты Станислав скодта мемориал, цæмæй хæстоны ном рох макуы уа, уый тыххæй. Æххуыс кæны скъолайæн дæр. Уыдысты дзы кадджын уазджытæ – Дзуджыхъæуы ветеранты советы сæрдар, меценат Лалыты Лев, сгæрæн отряд «Поиск»-ы разамонæг Махмади Даулетов, стæй районы ветеранты организацийы сæрдартæ – Георгий Адамов æмæ Николай Чаусов. Уазджытæ фехъуыстой, Фыдыбæстæ чи хъахъхъæны æмæ Калоты Георгийы тыххæй æмдзæвгæтæ. «Хæсты сывæллæтты» номхæссæг кадджын майданæй схорзæхджын кодтой, сæ хъæбулты хорз зондимæ чи схъомыл кодтой, уыцы хъæуы цæрджыты. Юбилейон зæрдылдарæн нысантæ радтой Фыдыбæстæйы Стыр хæсты архайæг Хуыгаты Надеждæйæн, æмæ æхсæнадæн пайда цы кадеттæ хæссынц, уыдонæн дæр.
