Францусаг горæты романтикæ, вокалон номыртæ, национ юмор æмæ модæты равдыст се ппæты зæрдæмæ дæр ссардта фæндаг
«Ирæттæ Парижы». Ахæм сæргондимæ спектакль равдыста инклюзивон театр «Босые души». Францусаг горæты романтикæ, вокалон номыртæ, национ юмор æмæ модæты равдыст се ппæты зæрдæмæ дæр ссардта фæндаг. Театр кусы 5 азы, æмæ уыцы мгъуыдмæ равдыста йæ фыццаг спектакль. «Босые души» дзурæг у, йе нæниздзинад хъыгдард кæмæн у, уыцы адæмы хъысмæт. Фæнды сæ сæ хъуыдытæ æвдсиын, æмæ сын уымæн æххуыс кæнынц педагогтæ æмæ волонтертæ. Афтæмæй фæзынд постановкæ «Ирæттæ Парижы». Инклюзивон театры режиссер Наталья Провоторова куыд радзырдта, афтæмæй спектакль æвæрд æрцыд, цæмæй равдисой сæ райгуырæн зæхмæ уарзондзинад. Алы роль дæр фыст æрцыд бæлвырд актерæн. Мадзал сбастой æфсæддонты-интернационалистты ном ссарынимæ. Уымæ гæсгæ йæм æрбахуыдтой Афганистаны ветеранты. Спектакль «Ирæттæ Парижы» се ппæты зæрдæмæ дæр тынг фæцыд. Уымæн æмæ йæм алчи дæр бахаста йæ уды хай.
