филиал вгтрк государственная телерадиовещательная компания “Алания”

Специалисттæ кусынц, æмæ бæрæг кæнынц республикæйы карьерты уавæртæ. Сæ хатдзæгтæм гæсгæ та хаст æрцæудзæн уынаффæ, уголовон хъуыддæгтæ гом кæныны тыххæй. Уый тыххæй Сергей Меняйлойæн фехъусын кодтой аппаратон æмбырды. Æдасдзинады федералон службæйы, мидхъуыддæгты æмæ æрдзхъахъхъæнынады министрадты минæвæрттæ хаст кæдæм æрцыдысты, уыцы ведомствæты хсæн кусæг къорд карьерты куысты рабæрæг кодта бирæ аипдзинæдтæ. Афтæ, иуæй-иу карьерты бæрц, цас æмбæлы, уымæй у зынгæ фылдæр. Ныртæккæ бæрæггонд цæуы закъонхалджыты номхыгъд. Байгом сыл кæндзысты уголовон хъуыддæгтæ. Сергей Меняйло æрдзон æвæрæнты министрадæн бахæс кодта, рейдты хатдзæгты тыххæй иумæйаг доклад бацæттæ кæнын.