Республикæйы спортивон медицинæйы рæзтыл ныхас цыд Хицауады æмбырды
Спортсментæн медицинон куыстуæтты сæрмагонд кабинеттæ æмæ хайæдтæ скæнын, стæй иугонд командæты медицинон-биологон ифтонгдзинады рæзтыл бакусын. Республикæйы спортивон медицинæйы рæзтыл ныхас цыд Хицауады æмбырды. Сæйраг нысан – регионы æмбæлгæ уавæртæ саразын. Уыдон хъуамæ фадат радтой, физкультурæйæ активонæй чи архайы, уыдонæн хæрзхъæд æмæ хæрзвадат медицинон æххуыс исынæн. Уымæй дарддæр стыр æргом здæхт цæудзæн спортивон медицинæйы кадрты дефицит фæкъаддæр кæнынмæ. Хицауады æмбырды ма ныхас цыд ахуырады кусджыты мыздыл. Уагæвæрды проектмæ гæсгæ, къласы разамынды кæнæ кураторы куысты тыххæй педагогтæн сæ бон у уæлæмхасæн фиддонтæ исын. Сæ барц аразгæ уыдзæн ахуыргæнинæгты нымæцæй. Кæд хъæуы кæнæ горæты 100 мин адæймагæй фылдæр цæры, уæд уæлæмхасæн фиддон уыдзæн 5 мин сомы мæймæ. Кæд цæрджыты нымæц 100 мин адæймагæй къаддæр уа, уæд та 10 мин сомы.
