Республикæйы Сæргълæууæджы арфæйы фыстæджытæ æмæ кады гæххæттытæ райстой 11 адæймаджы
Физкультурникы æппæтуæрæсеон боны кадæн спорты къабазы кусджытæ Дзæуджыхъæуы хорзæхгонд æрцыдысты кадджын уавæры. Республикæйы Сæргълæууæджы арфæйы фыстæджытæ æмæ кады гæххæттытæ райстой 11 адæймаджы. Физкультурæ æмæ спорты рæзтмæ стыр æвæрæн бахæссыны тыххæй кадджын нысаны аккаг систы 2 адæймаджы. Уæрæсейы спорты мастеры ном радтой 10 атлетæн. Уыдон сты джиу-джитсуйæ, спортивон хъæбысхæстæй, самбойæ, тхеквондойæ æмæ боксæй чи архайы, ахæм фæсивæд. Бæрæгбоны фæлгæты Цæгат Ирыстоны физкультурæ мæ спорты сгуыхт кусæджы кадджын ном лæвæрд æрцыди 2 адæймагæн. Уазджытæн бацæттæ кодтой концертон программæ. Мадзал æххæстггонд æрцыди программæ «Уæрæсейы спорт»-ы фæлгæты.
