Объекты цæттæдзинад сбæрæг кодта фыццаг вице-премьер Атарты Георгий
Стадион Спартак цæттæ кæнынц техникон æгъдауæй байгом кæнынмæ. Объекты цæттæдзинад сбæрæг кодта фыццаг вице-премьер Атарты Георгий. Ныртæккæ реконструкци ис кæронбæттæн къæпхæны. Аразджытæ скодтой мин æмæ 500 æфсæйнаг конструкцийы. Сарæзтой трибунæтæ æмæ трибунæты бынмæ бæстыхæйттæ. Сæ фæзуат у 22 мин квадратон метры. Сæвæрдтой дзы æппæт æмбæлгæ инженерон æмæ коммуналон инфраструктурæ. Се хсæн теле æмæ радиотрансляцийы, зæлтæ тыхджындæргæнæн системæтæ, стæй хызты мониторинг. Футболон фæз æмæ дугъгæнæн рæнхъытæ æххæстæй сты цæттæ. Специалисттæ райдыдтой алфамблай территори аив æмæ цъæх фæлысты куыстытæ кæнын. Зæгъын хъæуы уый, æмæ стадион техникон æгъдауæй байгом кæныны фæстæ, райдайдзæн объект эксплуатацийы раттыны процедурæ. Уыимæ, Уæрæсейы футболон цæдисимæ баныхас кæнгæйæ. Иннæ ахсджиаг хъуыддаг у – Уæрæсейы чемпионаты хъæзтытæ аразынæн лицензи райсын. Инспекцийы рæстæг Атарты Георгий æрхаста фиппаинæгтæ дæр. Бабар кодта æппæт аипдзинæдтыл дæр цыбыр æмгъуыдмæ бакусын. Уæлдай æргом аздахын хъæудзæн инженерон хызтæм æмæ аивгæнæн куыстытæм.
