филиал вгтрк государственная телерадиовещательная компания “Алания”

10:36 воскресенье, 17 августа 2025
16 ноября 2024, 13:54
Стъараполы байгом равдыст «Къостайы поэзи нывкæнынады»

Равдыстмæ хаст æрцыдысты Дзæуджыхъæуы Дзанайты Азанбеджы номыл нывкæнынады училищæйы студентты куыстытæ

«Къостайы поэзи нывкæнынады» – ахæм сæргондимæ равдыст байгом нывгæнæг Василий Смирновы хæдзар – музейы Стъараполы. Цæгат Ирыстонæй Стъараполмæ арвыстой 13 нывы. Равдыстмæ хаст æрцыдысты Дзæуджыхъæуы Дзанайты Азанбеджы номыл нывкæнынады училищæйы студентты куыстытæ. Æрыгон автортæ йæ бацæттæ кодтой Хетæгкаты Къостайы райгуырды 165 азы боны кадæн. Ирон поэты цард æмæ сфæлдыстад æнгом баст сты Стъараполимæ. Ахуыр дзы кодта гимназы, цæргæ та кодта йæ ахуыргæнæг Василий Смирновы хæдзары, фæстæдæр æмгуыстад кодта бынæттон рауагъдадтимæ. Ацы равдысты сюжетты ирдæй зыны  Къостайы сфæлдыстад, цы уацмыстæм гæсгæ нывгонд æрцыдысты, уыдонæн сæ фылдæр хай фыст уыдысты уырыссаг æвзагыл. Автортæ куыд зæгъынц, афтæмæй сæ нывты равдыстой Хетæгкаты Къостайы сфæлдыстадон бынты æмбарынад. Проекты разамонæг у Дзæуджыхъæуы аивæдты училищæйы директор, Цæгат Ирыстоны сгуыхт нывгæнæг Хетæгкаты Аслан.

vgtrk_alania
vgtrk_alania
vgtrk_alania
vgtrk_alania