10 архайæджы Цæгат Ирыстоны паддзахадон университеты студенттимæ ныртæккæ кусынц Дагомы
Студентон экспедицион корпус «Арктикæйы командæ» ссыди нæ республикæмæ. 10 архайæджы Цæгат Ирыстоны паддзахадон университеты студенттимæ ныртæккæ кусынц Дагомы. Аив кæнынц астæуккаг æнусты арæзт мæсгуыты алыварс территори. Фæсивæд фыццаг хатт не ссыдысты нæ республикæмæ. Уый размæ дæр архайдтой экологон акциты. Культурон объекттыл та андзæвыдысты фыццаг хатт. Дагомы уыдзысты къуырийы бæрц. Архайдзысты Хетæджы боны мадзæлтты. Чехойты Фатимæ радзурдзæн бæлвырддæр.
Иван Кихтенко ахуыр кæны Мариуполы паддзахадон университеты. Студентон экспедицион корпус «Арктикæйы Командæ»-имæ ссыд Дагоммæ. Уым фæсивæд архайынц историон объектты алыварс территоритæ аив кæныныл.
Студентон экспедицион корпус «Арктикæйы Командæ» у Уæрæсейы технологон университеты проект. Йæ архайджытæ сты зæрдæргъæвд студенттæ. Уыдон абалц кæнынц бæстæйы алы регионтæм. Саразынц экологон акцитæ. Дагомы бавнæлдтой рагон мæсгуыты алыварс территоритæ аив кæнынмæ.
Проекты архайджыты Дагоммæ схуыдта Агънаты Хъазыбег. Уый ныр кусы семæ. Ам сты Цæгат Ирыстоны паддзахадон университеты студенттæ дæр. Уыдоны руаджы уазджытæ базонгæ сты республикæйы традицитæ æмæ хицæндзинæдтимæ.
«Арктикæйы Командæ» арæзт æрцыд, цæмæй активон студенттæ хъахъхъæной Уæрæсейы æрдзон, историон æмæ культурон хæзнатæ. Дагомы истори æмæ рæсугъддзинад уазджыты дисы *фтауы. Архайынц æнæзивæгæй. Бæлвырдæй зонынц – хорз хъуыддæгтæн сæ кæрон дæр зæрдæмæдзæугæ вæййы.
