филиал вгтрк государственная телерадиовещательная компания “Алания”

Стыр инвестицион проекттæ республикæйы территорийы фадат ратдзысты 12 мин куысты бынаты ссарынæн, æмæ бюджетмæ алы аз дæр 2 миллиард сомæй фылдæр æфтиæгтæ хæссынæн. Ууыл ныхас цыд Хицауады хæдзары æмбырды. Архайдтой дзы профилон министртæ æмæ ведомствоты разамонджытæ, стæй районты администрациты сæргълæуджытæ. Премьер Дзанайты Барис бабар кодта инвестортæн ахадгæ æххуыс бакæнын. Уыдон та хъуамæ æххæст кæной, бадзырдты цы домæнтæ фыст æрцыдысты, уыдон. Проекттæ æххæст кæнгæйæ, исты аипдзинæдтæ куы иртасой, уæд та хъæудзæн æмбæлгæ мадзæлттæ æххæст кæнын. Ацы куыст у ахсджиаг, æмæ йæм бæстон цæстдард цæуы республикæйы Сæргълæууæджы рдыгæй, – загъта Хицауады сæрдар.