филиал вгтрк государственная телерадиовещательная компания “Алания”

Стыр истори æмæ нысаниуæг цы газетæн ис «Северная Осетия», уый фыццаг хатт мыхуыры нæ рацыд. Рухс нæ федта фæсивæдон газет «Слово» дæр. Ахæм цау хуымæтæджы не рцыд. Дыууæ редакцийæн дæр ис стыр хæстæ типографийы размæ, фæлæ уавæр афтæ карз разындзæн, уый æнхъæл ничи уыд. Не сфæлдыстадон къорд бацархайдта уавæр равзарыныл, æмæ сын цы бантыст базонын, уый тыххæй нæ дарддæры æрмæг. Газет «Слово»-йы уацхæсджытæн ацы бон хуымæтæг у, фæлæ рауагъдады историйы баззайдзæн æнусмæ. Фыццаг хатт газет мыхуыры нæ рацыд. Сæйраг редактор Олисаты Альбинæ куыд зæгъы, афтæмæй номер нæ рацæудзæн, уый тыххæй йын фехъусын кодтой, типографимæ йæ хъуамæ куы арвыстаиккой, уый тæккæ размæ. Типографимæ нæ бахæццæ сæйраг республикон газет «Северная Осетия»-йы номер дæр. Уый дæр нæ ныммыхуыр кодтой, газетæн дæр стыр хæстæ кæй ис, уый тыххæй. Фæлæ журналисттимæ ацы темæйыл «Осетия-Полиграфсервис»-ы кусджытæ æвæндонæй дзурынц. Хæстæ, æцæгдæр, бирæ сты. Газет «Северная Осетия»-йæн сты 6 милуан æмæ ‘рдæгæй фылдæр. Сæйраг редактор æмбарын кæны, уымæн ис бæлвырд аххосæгтæ.

Республикон полиграфийы истори аивыны уынаффæ типографийы директор йæхæдæг рахаста. Æмæ кæд газет «Слово»-йæн фехъусын кодтой, кæй йæ нæ ныммыхуыр кæндзысты, уый, уæд «Северная Осетия»-имæ уæвгæ дæр уый тыххæй ничи ныхас кодта. Уыимæ, профилон комитеты куыд зæгъынц, афтæмæй типографийы разамонæг зыдта, рауагъдадты проблемæты тыххæй, стæй сæ хæстæгдæр рæстæг кæй алыг кæндзысты, уый дæр.

Типографийы 100 проценты акцийы сты исбоны министрадмæ. Ведомствæйы куыд радзырдтой, афтæмæй сæм «Осетия-Полиграфсервис»-ы разамонæгмæ фарстатæ рагæй уыд. Министрады ныртæккæ кæсынц, акционерон æхсæнады сæргъы ног разамонæджы сæвæрыны фарстамæ.

Мызды тыххæй хæстæ нæ разынд. Типографийы кусджытæн цы фиддонтæ æмбæлы, уыдон райсынц æрвылмæй. Министрады ма загътой, абон газеткæсджытæ «Северная Осетия»-йы 2 номеры кæй райсдзысты. Газет «Слово»-йы проблемæтæ дæр хæстæгдæр рæстæг алыг кæндзысты. Бацархайдзысты, рауагъдадты хæсты уавæр дæр сбæлвырд кæныныл.