Электрон фæрæзы фыст ис Фыдыбæстæйы Стыр хæсты рæстæг нæ республикæйæ райгуырæн бæстæйы сæраппонд чи сыстад, уыдоны тыххæй бæстонæй информаци
Стыр Уæлахизы 80 азы бонмæ арæзт æрцыди портал «Ирыстоны адæмты зæрдылдарын». Ацы электрон фæрæзы фыст ис Фыдыбæстæйы Стыр хæсты рæстæг нæ республикæйæ райгуырæн бæстæйы сæраппонд чи сыстад, уыдоны тыххæй бæстонæй информаци. Алы адæймагæн дæр йæ бон у йæ хæстæджытæй хæсты быдыры чи уыди, уыдоны тыххæй сайтмæ информаци бахæссын. Электрон фыстæгмæ ма бафтауын хъæуы: хуызист, хæстоны цин, стæй йæ æфсæддон истори. Адæмон проект у республикæйы сæргълæууæг Сергей Меняйлойы хъæппæрис. Портал царды рауадзыныл ахадгæ куыст бакодтой республикæйы нымæцон рæзты Комитет æмæ архивон службæйы специалисттæ. Æфсæддон коммисаримæ бафыстой бадзырд æмæ уый фæлгæты организацийы архивон документтæ лæвæрд æрцыдысты архивон фондмæ. Уым сыл бакусдзысты æмæ сæ бацæттæ кæндзысты проектæн. Сæйраг хæс – Цæгат Ирыстонæй Фыдыбæстæйы Стыр хæсты чи тох кодта, æбæрæгæй дзы чи фесæфти, стæй се ппæт хъæбатырты нæмттæ дæр сбæрæг кæнын.
