Йæ саразæг у Уæрæсейы Федерацийы коммунистон партийы сæйраг комитет
Стыр Уæлахизы 80 азы кадæн æмæ сæрмагонд æфсæддон операцийæн æххуысæн машинæтыл патриотон дугъ уыд Цæгат Ирыстоны. Йæ саразæг у Уæрæсейы Федерацийы коммунистон партийы сæйраг комитет. Мадзал конд æрцыд æппæтуæрæсеон машинæты дугъ «Красные крылья победы» æххæстгæнгæйæ. Архайджытæ сæ балц райдыдтой Дагестаны, уыдысты Цæцæны æмæ Мæхъæлы республикæты. Цæгат Ирыстоны дидинджытæ сæвæрдтой мемориалон комплекс «Барбашовы фæз»-ы æмæ хæсты чи фæмард, уыдоны нæмттæ æрхъуыды кодтой Æрджынарæджы. Машинæтыл дугъы хатдзæгтæм гæсгæ, сæрмагонд æфсæддон операцийы зонæмæ æрвыст æрцæудзæн гуманитарон æххуыс. Мадзалы активон архайджытæн, цы ахадгæ патриотон куыст кæнынц, уый тыххæй саккаг кодтой ведомствæйы æхрзиуджытæ.
