Бæрнон æмæ хиуылхæцт
Суворовы номыл æфсæддон училищæйы арæзт æрцыд кадджын æмбырд. Бæрнон æмæ хиуылхæцт. Ахæм уыдзысты ацы лæппутæ хæстæгдæр фидæны. Æвзонг суворовонтæн уыд ардбахæрды процедурæ. Кадджын æмбырды размæ иуцасдæр рæстæг рæзгæ фæлтæры фæиппæрд кодтой сæ ныййарджытæй, цæмæй бæрнондзинад сæхиуыл банкъарой, уый тыххæй. Фæлæ æнæ цæстдардæй нæ уыдысты. Семæ уыдысты сæ разамонджытæ – офицертæ. Разæй ацы лæппутæм æнхъæлмæ кæсынц суворовон царды 7 азы. Уыимæ зонгæ кæндзысты куыд æфсæддон хъуыддагимæ, афтæ алы наукæтимæ дæр. Бирæтæ ныридæгæн дæр сæхицæн сбæлвырд кодтой сæ фидæн. Зæрдиаг арфæтæ æмæ ныфсытæ лæппутæн скодта училищæйы хицау Тауытты Руслан. 80 адæймагæй фылдæр ацы бон сæ зæрдыл бадардзысты, куыд æппæты ахсджиагдæр. Æмæ фидарæй зæгъæн ис, æфсæддон æфсымæрад стæй фыдыбæстæйæн лæггад кæй суыдзысты сæ царды сæйрагдæр хъуыддаг.
