филиал вгтрк государственная телерадиовещательная компания “Алания”

Цæгат Кавказы Суворовон училищæ Дзæуджыхъæуы байгом кодтой Фыдыбæстæйы Стыр хæсты рæстæг. Йæ рауагъдонтæ кæддæриддæр кад кодтой Ирыстонæн, уæлдæр скъолатæм бацæугæйæ дæр æдзух уыдысты раззæгдæрты хсæн. Уый фæстæ сси кадетты корпус.

2013-æм азæй фæстæмæ, республикæйы хицауады æмæ разамынды æххуысæй ногæй хæссы Суворовон училищæйы ном. Абон дзы кадджынæй райдыдта ног ахуыры аз.

 

Суворовонтæн раарфæ кæнынмæ ссыдысты Хуссар Федаралон зылды командæгæнæджы хæдивæг Игорь Турченюк, Цæгат Ирыстоны хицауады уæнгтæ, раздæры азты рауагъдонтæ, ветерантæ.

Дзæуджыхъæуы суворовонтæн кадджын уавæры радтой Краснодары Суворовы номыл училищæйы тырысайы къопи. Бынæттон æвзонг æфсæддонтæн абон уыд тырыса йæ хъæдмæ фидаргæнæн кадджын мадзал.

Ахуыргæнæндон ифтонг у æппæт хъæугæ кусæнгæрзтæй æмæ техникæйæ. Йæ хъомылгæнинæгтæн дзы ис æппæт фадæттæ сфæлдыстадон, зонадон, техникон куыст кæнынæн стæй спортæй архайынæн. Раппæлыны аккаг у хæхтыл бырынæн сæм цы ахуыргæнæн къæдзæх ис – скаладром, уый дæр. Стыр æргом здæхт цæудзæн фидæны афицерты физикон цæттæдзинадмæ.

Ам ахуыр кæнын кæй фæнды, уыдоны нымæц бирæ у. Ацы аз дæр сæм иу бынатмæ курдиæттæ балæвæрдтой 5-6 адæймаджы.

2014-2015 азы уал 6-æм къласмæ ахуырмæ райстой 20 адæймаджы, 7-æм къласмæ 34, иу лæппуйы та райстой 8-æм къласмæ.

Фидæны аз фæнд кæнынц ахуырдзауты 5-æм къласæй исын.