Пъæлицæйæгтæ сывæллæттæн радзырдтой светофоры историйы тыххæй, стæй сæ æрбахуыдтой тематикон викторинæйы архайынмæ
Светофоры æппæтадæмон боны агъоммæ Мæздæджы районы паддзахадон автоинспекцийы кусджытæ скъоладзаутæн скодтой ахуырадон мадзал. Пъæлицæйæгтæ сывæллæттæн радзырдтой светофоры историйы тыххæй, стæй сæ æрбахуыдтой тематикон викторинæйы архайынмæ. Скъолайы агъоммæйы кары сабитæ дзуæппытæ лæвæрдтой, фæндаггон æдасдзинады светофорæн цы ахадындзинад ис, уый тыххæй. Базыдтой бирæ ногдзинæдтæ. Пъæлицæйы кусджытæ сывæллæттæн равдыстой сæрмагонд мультипликацион ныв, уый фæстæ рацыдысты уынгмæ, уым сын бацæттæ кодтой тематикон хъæзтытæ. Мадзалы кæронбæттæн сабитæ сæ цæст дардтой, æвзонг инспектортæ паддзахадон автоинспекцийы минæвæрттимæ фæндагыл куыд кусынц, уымæ.
