Форум рагæй дæр сси традицион фæз ахсджиаг фембæлдæн. Ныхас фæцæуы Кавказы чырыстон дины историйыл æмæ нырыккон уавæрыл
Сыгъдæг Георгийы номыл 13-æм æппæтадæмон кæстытæ «Чырыстон дин. Этнос. Культурæ» райдыдтой Цæгат Ирыстоны паддазхадон университеты. Форум рагæй дæр сси традицион фæз ахсджиаг фембæлдæн. Ныхас фæцæуы Кавказы чырыстон дины историйыл æмæ нырыккон уавæрыл. Ацы хатт дæр форумы архайджытæ æрдзырдтой Уæрæсейы закъонæвæрынады фарстатыл, чырыстон дзуæрттыл Уæллаг Дзылаты. Уымæй дарддæр – политикон æмæ дины бастдзинæдтыл Астæуккаг æнусты Алани æмæ нырыккон Трабзоны хсæн. Кæстытæ байгом кæныны кадджын мадзалы архайдта Хицауады Сæрдар Дзанайты Барис. Мадзал саразыныл бакуыстой Дзæуджыхъæуы епархи, Цæгат Ирыстоны паддзахадон университет, историйы æмæ археологийы институт, стæй Хуссар Ирыстоны наукон-иртасæн институт.
