07 марта 2013, 13:40
Сылгоймæгты æппæтдунеон бæрæгбоны агъоммæ Республикæйы сæргълæууæг Мамсыраты Таймураз паддзахадон хæрзиуджытæй схорзæджын кодта уыцы сылгоймæгты
Арфæйы ныхæстæ кæнгæйæ бафиппайдта, ацы аз кæй у юбилейон, 8 мартъийы бон бæрæг кæнæм сæдæйæм хатт.
Сылгоймæгты æппæтдунеон бæрæгбоны агъоммæ Республикæйы сæргълæууæг Мамсыраты Таймураз паддзахадон хæрзиуджытæй схорзæджын кодта, алы къабазы кусгæйæ йæ къухы æнтыстдзинæдтæ кæмæн бафтыд, уыцы сылгоймæгты. Арфæйы ныхæстæ кæнгæйæ бафиппайдта, ацы аз кæй у юбилейон, 8 мартъийы бон бæрæг кæнæм сæдæйæм хатт.
«Ирыстоны намысы» майдан лæвæрд æрцыд промышленносты æмæ транспортон политикæйы министрады специалист Бурдзиуты Ритæйæн. Республикæйы адæмон артисты ном лæвæрд æрцыд паддзахадон филармонийы симфонион оркестры солисткæ Виктория Кузьминовайæн. Кады гæххæттытæ райстой постхæссæг Ирина Романова, хъугдуцæг Слонаты Беллæ æмæ арæзтадон краны машинист Наталья Черкашина.
Цориты Алетæ, РЦИ-Аланийы экономикон рæзты министрады управленийы сæргълæууæг: «Не петы дæр бæрæгбоны хорзæх уæд!»
темæмæ гæсгæ
