филиал вгтрк государственная телерадиовещательная компания “Алания”

Сырх дипломтæ райстой Цæгат Кавказы хæххон-металлургон институты хуыздæр рауагъдонтæ. Ацы аз иттæг хорз бæрæггæнæнтимæ институт каст фесты 125 адæймаджы. Раарфæ сын кодта респубикæйы сæргълæууæджы æмæ Хицауады администрациты разамонæг Таболты Сергей. Арфæйы ныхæстæ сын загъта Мамсыраты Таймуразы æмæ министрты номæй дæр. Ацы аз хæххон-металлургон институт каст фесты мин студенты бæрц. Уыдонæй алы фæндзæм дæр райста сырх диплом. Хорз ахуыры æмæ ахуыргæнæндоны æхсæнадон æмæ культурон цардмæ стыр æвæрæн кæй бахастой, уый тыххæй рауагъдонтæн бузныг загъта ректоры хæстæ æххæстгæнæг Юрий Разорæнов. Рауагъдонтæн раарфæ кодтой министрадты æмæ ведомствæты, стæй республикæйы стырдæр куыстуæтты разамонджытæ дæр.

Хъороты Алинæ, Цæгат Кавказы хæххон-металлургон институты рауагъдон: «Фæдæн факультет пищевых производств. Фæнды мæ стыр бузныг зæгъын мæ кафедрæйæн мæ факультетæн. Тынг æхсызгон мын уыдис ацы 5 азы ам фæахуыр кæнын. Фæнды мæ, цæмæй ам цы зонындзинæдтæ райстон, уыдонæй спайда кæнон мæ царды æмæ мæ куысты».

Алидзаты Хъазыбег, РЦИ-Аланийы арæзтады, энергетикæйы æмæ цæрæн-коммуналон хæдзарады министр: «Ам чи бадтис, чи касти ацы рæсугъд хабармæ, уыдон, æвæццæгæн иууылдæр сты сæрыстыр. Уымæн æмæ кæстæр фæсивæд царды фæндагыл слæууыдысты, æмæ сын амоднджын фæндаг куыд уа. Нæ зæрдæйы бирæ хорздзинæдтæ уыдис æмæ сын сæ радзырдтам абон, кæстæр фæсивæды рæстфæндагыл сарæзтам, æмæ фæрнджын æмæ амондджын уæд. Рæсугъд ахуыр кæнын куыд базыдтой, ахæм рæсугъд цард куыд фæкæной, уыцы амонд сæ уæд».