Картофы æмæ нартхоры тыллæг куыд фæфылдæргæнæн ис, зианхæссæг зулчъытимæ куыд тох кæнын хъæуы, цавæр ногдзинæдтæ фæзынд хъæууон хæдзарады куыстыты – ацы фарстатыл ныхас цыди, Цæгат Ирыстоны хъæууон хæдзарады министрад Сырх-Дыгуры цы æмбырд сарæзта, уым.
Картофы æмæ нартхоры тыллæг куыд
фæфылдæргæнæн ис, зианхæссæг зулчъытимæ куыд
тох кæнын хъæуы, цавæр ногдзинæдтæ фæзынд хъæууон хæдзарады куыстыты –
ацы фарстатыл ныхас цыди, Цæгат Ирыстоны хъæууон хæдзарады министрад
Сырх-Дыгуры цы æмбырд сарæзта, уым.
Хуынд æм æрцыдысты фермерон хæдзарæдты
кусджытæ. Мæйы дæргъы министрады кусджытæ аразынц ахæм семинартæ. Сæ
ныхæстæм гæсгæ, хистæр кары фермæрты ивынц кæстæртæ æмæ уыдоны фылдæр
зонгæ кæнын хъæуы æппæт ногдзинæдтимæ. Арæх афтæ рауайы æмæ адæймаг фос
дарын, кæнæ зæххы куыст кæнын райдайы, фæлæ йæм фаг зонындзинæдтæ нæ
вæййы. Ахæм семинарты фæрцы та сæ бон у сæ зонындзинæдтæ фæфылдæр кæнын.
Уымæй уæлдай ма фермерон æмæ хи чысыл хæдзарæдты кусджытæн байуæрстой
сæрмагонд буклеттæ. Фыст сты, хъæууон хæдзарады культурæтæм куыд зилын
хъæуы, уый тыххæй.
Ахæм семинартæ министрады специалисттæ
араздзысты æппæт районты дæр. Хуадонты Сергей, Сырх-Дыгуры
администрацийы сæргълæууæг: «Хъæугæ æмбырд у. Махмæ бирæ зæхкусджытæ ис.
Æндæр сын ницы куыстæн ис фадæттæ æмæ сæ цæхæрадæтты æмæ зæххытыл.
Ныртæккæ нæ хъæуы ис 450 хæдзары. Иууылдæр цæрынц сæ цæхæрадæтты цы
бакусынц, уымæй. Сæ фосы куыст дæр уымæй кæнынц, сæхæдæг дæр сæ бæркадæй
цæрынц. Ацы æмбырды лæмбынæг æркастыстæм, æрдзырдтам цавæр ног
мадзæлттæй пайда кæнын хъæуы, цы агротехникон ногдзинæдтæ фæзынд, цы сæ
тыхсын кæны, уыцы фарстатыл. Æмæ алкæй бон дæр уыд базонын цы йæ хъæуы,
уымæ. Йæхицæн хатдзæгтæ скæнын цæмæй сæ куыст хуыздæр цæуа, афоныл,
хуыздæр тыллæг исой уымæн».
