06 мая 2025, 10:37
Сырх тулдзы талатæ ныссагътой Дзуарыхъæуы Гæздæнты æфсымæртæн цыртдзæвæны цур
Акци бацæттæ кодта Цæгат Ирыстоны паддзахадон базарадон-экономикон колледж
Сырх тулдзы талатæ ныссагътой Дзуарыхъæуы Гæздæнты æфсымæртæн цыртдзæвæны цур. Акци бацæттæ кодта Цæгат Ирыстоны паддзахадон базарадон-экономикон колледж. Ацы мадзал æххæстгонд æрцыд республикон патриотон фестиваль «Время выбирает своих»-мæ гæсгæ. Колледжы ахуыргæнджытæ æмæ студенттæ ныссагътой 80 талайы. Амæй фæстæмæ сæм æдзух зилдзысты. Акци арæзт æрцыд Стыр Уæлахизы 80 азы кадæн. Колледжы директор Æбиты Валерий куыд загъта, афтæмæй ахæм мадзæлттæн ис стыр нысаниуæг рæзгæ фæлтæры хъомылады фарстайы.
темæмæ гæсгæ
